مواطنين يعتدون علي مهندس في الاسماعيلة بطريقة غاشمة !
مازالت الفيديوهات تتوالى لواقعه السحل بمساكن الهيئه فى الكاكولا
محمد محيي مهندس مدني وعنده شركة مقاولات وكان مسافر برة فترة كبيرة وكريم محاسب في مبنى الإرشاد بالهيئة . والاتنين ولاد أصول ومحترمين جدا .
حصلت مشكلة بين كريم والشخص اللي كان بيضرب فيهم ده بسبب الاطفال لما كان معدى بعربيته واتخانق مع الاطفال ووالدهم ادخل وضرب كريم بالبوكس لأن والدهم بيلعب بوكس وبعد كده كريم راح عند البيت وجاب رقمه من مراته وفى ناس كبيرة أدخلت
وكريم اخد محمد المهندس اخوه معه وراحوا يتصافوا .
فوجئوا أنه كمين وان مراته اتصلت بقريبهم وجم بالسنج والمطاوى وكريم وأخوه كانوا رايحين عزل مش معهم حاجه ومع اول مشاده حصل تشابك وكريم ضربوا بالقلم وبدؤوا يضربوا فيهم بطريقة وحشيه
و فضلوا يقولوا للناس أنه حرامية وجايين يخطفوا العيال علشان محدش يحوش عنهم وهما بيتسحلوا وبيتمثل بيهم لدرجه ان بق المياه مرديش يدهوله وهو مسحول على الأرض بيموت قدامه واتصلوا بالشرطه قالهم احنا مسكنا خاطفين اطفال ... معقول مهندس مدني وصاحب شركة مقاولات ومحاسب فى مبنى الإرشاد خاطفين اطفال؟!
وهما دلوقتي في مستشفى الجامعة ومحمد عنده شرخ فالجمجمة واشتباه في نزيف داخلي وجسمه متبهدل وحالته صعبه وكريم ايده مقطوع الأوردة والمفروض يتعمله جراحة .
ربنا يسترها عليهم وعلى اهلهم ويجيب حقهم من البلطجية الظلمة دول لأن متمسكش غير واحد بس منهم والباقى هاربين مع انهم متصورين صوت وصوره.
تعليقات
إرسال تعليق